Y Dull Teulu Cyfan

Yn Calan DVS, credwn fod angen inni weithio gyda'r teulu cyfan er mwyn gallu sicrhau newid parhaol.

Mae canlyniadau ‘Adolygiadau Achosion Difrifol’ a gynhelir bob dwy flynedd a thair blynedd wedi canfod nad yw cyfradd y marwolaethau a’r niwed difrifol i blant o ganlyniad i drais domestig mewn teuluoedd wedi gostwng dros y 10 mlynedd diwethaf a hynny er gwaethaf ymdrechion â ffocws i’w diogelu rhag dod i gysylltiad ag ymddygiad treisgar.

Derbynnir fod delio ag achosion trais domestig yn pwyso’n arbennig o drwm ar adnoddau gwasanaethau Gofal Cymdeithasol Plant ac yn cael effaith anghymesur sylweddol ar y gallu i gwrdd ag anghenion rhannau eraill o’r gwasanaeth. 

Trwy weithio gyda'r teulu cyfan rydym yn gallu:

• Asesu a rheoli'r lefelau risg sy'n bresennol yn y cartref.
• Asesu’n gywir effaith byw mewn amgylchedd ymosodol ar blant y cartref (a chynhyrchu camau lleihau niwed ar unwaith).
• Adnabod y math o gam-drin a'r potensial ar gyfer newid.
• Adnabod unrhyw gydymffurfiad cudd.
• Creu rhaglen o gefnogaeth a gafodd ei theilwra’n arbennig i anghenion y teulu hwnnw gan gynyddu'r siawns o leihau risg yn sylweddol.

Buddion i Deuluoedd:

• Gall teuluoedd dorri'r cylch cam-drin a chreu amgylchedd mwy diogel a chariadus lle gall teuluoedd fyw gyda'i gilydd.
• Mae'r rhaglen yn cynnig opsiynau newydd neu wahanol i deuluoedd sydd eisiau aros gyda'i gilydd trwy ddysgu sut i hunan-reoli straen a risg.
• Mae gan rieni gyfle i fod yn rhan o'u hasesiad eu hunain.
• Mae rhieni’n derbyn gwybodaeth i gefnogi eu penderfyniadau.
• Mae gan gyfranogwyr amser i fyfyrio ar yr effaith y mae eu hymddygiad yn ei gael ar eu perthynas eu hunain a'u plant.
• Mae Llais y Plentyn yn rhan o’r broses asesu.

Adborth Cyfranogwyr:

“Rwy’n gwybod nawr beth yw perthynas iach a pherthynas afiach - mae’r cwrs wedi fy helpu i fyfyrio ac arsylwi ar natur perthnasoedd eraill.”- Dynes oedd yn rhan o’r Rhaglen Ysbrydoli Teuluoedd

“Fe helpodd fi i sylweddoli beth wnes i o’i le a rhoi’r sgiliau mi allu eu cywiro.” - Dyn oedd yn rhan o’r Rhaglen Ysbrydoli Teuluoedd

Buddion i Weithwyr Proffesiynol:

• Mae'n darparu fframwaith cadarn i asesu ymddygiad rhiant, y math o gam-drin sy’n digwydd, cydymffurfiad cudd (disguised compliance) a lefel y risg sy'n bresennol
• Mae'n llywio gwaith amddiffyn plant a phenderfyniadau llys mewn sefyllfaoedd cymhleth trwy ddarparu tystiolaeth o risg, yr effaith ar blant a'r potensial i newid; 
• Mae'n darparu'r dystiolaeth sydd ei hangen ar weithwyr proffesiynol i adnabod deinameg y cam-drin domestig o fewn y teulu ac adnabod y math a'r lefel o ymyrraeth sydd ei angen;
• Mae'n caniatáu i weithwyr proffesiynol ganfod pa fath o lefelau gwytnwch, sgiliau a chymhelliant a fydd yn angenrheidiol i sicrhau fod contractau gyda theuluoedd yn y dyfodol yn realistig ac yn gyraeddadwy. 
• Mae'n lleihau’r angen i reoli galw a'r angen am wasanaethau cost uchel; a 
• Mae'n cefnogi gweithwyr proffesiynol i dargedu adnoddau ac ymyriadau pellach yn gywir gan arwain at ganlyniadau gwell i blant a theuluoedd.

Adborth Gweithwyr Proffesiynol:

"Mae'n cymryd i ystyriaeth y tad sy’n bwysig ym mywyd y plentyn. Mae'r ffocws ar y dynion yn amhrisiadwy ac yn rhoi cyfle iddynt wneud newidiadau i’w bywydau. Ni allwch leihau risg mewn teulu heb weithio gyda’r tad. ”  – Uwch Weithredydd, Ymddiriedolaeth Gwasanaethau Plant Slough